Сілавікі апублікавалі відэа з затрыманым сузаснавальнікам івэнт-агенцтва «Ружовая зебра» Алегам Астраленкам, паведамляе Наша Ніва. Губазікаўцы ў пасце спаслаліся на данос Вольгі Бондаравай, у якім яна патрабуе ад Мінкульта зладзіць чысткі рэестра арганізатараў канцэртнай дзейнасці.
На відэа прадпрымальніка прымусілі сказаць, што ён двойчы ў 2020 годзе выходзіў на акцыі, а таксама ў іх мерапрыемствах двойчы ўдзельнічаў Яўген Булка.
Астраленка гаворыць, што праз ягоны ўдзел у пратэстах Мінкульт выключыць яго кампанію з рэестра арганізатараў культурных мерапрыемстваў.
Губазікаўцы ў сваім пасце пад відэа з Астраленкам спасылаюцца на данос Вольгі Бондаравай, у якім яна патрабуе ад Мінкульта зладзіць чысткі рэестра арганізатараў канцэртнай дзейнасці. «Цяпер гэтаму пакладзены канец. Перамены наступілі», – пішуць сілавікі.
У апошнія тыдні затрыманні арганізатараў культурна-масавых мерапрыемстваў адбываюцца па ўсёй краіне.
ав/Наша Ніва
